Beraz, bere sarrera eta irteeren menpe baino gehiago dagoen programa bat da, memoria du, bere portaeran eragina duten egoerak daude. Adibidez, imajina dezagun, gose zaudenean jaten ematen dizun programa bat sortu nahi duzula. Gose egotea bada baldintza bakarra, aurkituko duzun lehenengo gauza jango duzu. Aldiz, programa bera egoera-makina batekin egiten badugu, prozesua konplexuagoa izango da. Gose bazaude jan nahi duzu baina eguerdian pizza bat jan duzu eta orain zerbait osasuntsuagoa jan nahi duzu. Gainera, oraindik ez da afaltzeko ordua. Hoberena barazkiak jatea izango da!

Aurten denbora libre asko izan dut, ondorioz, Gabonetako pinuari argiak jartzeko LED pilo bat erosi ditut. Aurretik eginda etortzen diren argiak aztertu ditut eta, normalean, hiru egoera desberdin dituzte: LEDak itzalita, batera dir-dir egiten duten LEDak eta txandaka dir-dir egiten dutenak. Argiek duten portaera honetan oinarrituta, sakagailua sakatzen dudan bakoitzean argiak hurrengo egoerara pasatzea nahi dut.

egoera aldagaiak izango duen balioaren arabera LEDak modu batera edo bestera jokatzea nahi dugu. Horretarako Honen balioa egiztatu funtzioa erabiliko dugu.

Lehenengo egoeran, 0 zenbakiarekin adieraziko duguna, bi LEDak itzaliko dira. Bigarren egoeran edo 1 egoera, guztiak aldi berean piztu eta itzaliko dira eta hirugarren egoeran edo 2 egoera, berriz, txandaka piztuko dira.

Karga ezazu programa egoera aldagaiaren hasierako balioa aldatuz. Bere balioaren arabera egoera bat edo bestea nola exekutatzen den egiaztatuko duzu.

Sakagailuari eragiten diogun bakoitzean hurrengo egoerara pasatzea nahi dugu.

Batzuetan, sakagailua zanpatzean zure programak pultsazio bat baino gehiago detekta ditzake eta modu okerrean funtziona dezake. errebote-efektu bezala ezagutzen da. Saihesteko … den bitartean, exekutatu begizta erabil dezakegu, barruan itxaronaldi txiki batekin. Horrela programak ez du aurrera egingo sakagailua zanpatzeaz utzi arte.

Egoeraz aldatzeko, sakagailua sakatzen dugun bakoitzean egoera aldagaiari 1 gehituko diogu. Halere, 2 egoeran egongo bagina, sakagailua berriro sakatzean 3, 4, 5, eta abar egoeretara pasako ginateke. Jatorrizko egoerara bueltatzeko egoera aldagaia berrasieratu beharko dugu. Horregatik Baldin eta…bada, exekutatu…Bestela exekutatu… erabili beharko dugu. Badlin eta egoera 2 baino txikiagoa balitz, egoeraren balioa 1ean handituko litzateke, aitzitik, 2 edo 2 baino handiagoa balitz, aldagaiaren balioa 0ra berrasieratuko litzateke. Gehitu bloke hauek Honen balioa egiaztatu… blokearen aurretik eta programa kargatu. Zure argi programagarriak sortu dituzu!